اسرائیل کا شام میں ایرانی ٹھکانوں پرحملے جاری رکھنے کا اعلان

ماسکو(مانیٹرنگ ڈیسک)اسرائیل کے وزیراعظم بنجمن نیتن یاہو نے روس کی جانب سے شام کو جدید ایئر ڈیفنس سسٹم ( ایس 300) کی ترسیل کے باوجود فضائی حملے جاری رکھنے کا عندیہ دے دیا۔اے ایف پی کے مطابق نیتن یاہو نے روسی نائب صدر میکزم ایکی موو کو بتایا کہ وہ شام میں دشمنوں کے ٹھکانوں پر فضائی حملے جاری رکھیں گے۔نیتن یاہو نے کہا کہ اسرائیل شام میں موجود ایران اور اس کے اتحادیوں کے خلاف اپنا دفاع جاری رکھے گا،جواسرائیل کو نقصان پہنچانے کی کوشش میں ہیں۔