سندھ کراٹے ٹیم اچھا پرفارم کریں گی- عبدالحمید

اسلام آباد(امت نیوز) سندھ کراٹے ایسوسی ایشن کے جنرل سیکرٹری عبدالحمید نے کہا ہے کہ سندھ کی ٹیم 26 ویں قومی کراٹے چیمپیئن شپ میں شاندار کارکردگی کا مظاہرہ کریں گی۔ گذشتہ روز میڈیا سے گفتگو کرتے ہوئے انہوں نے کہا کہ سندھ کراٹے ٹیم کا 21 رکنی دستہ 26 ویں قومی کراٹے چیمپیئن شپ میں شرکت کرے گا۔ یہ چیمپیئن شپ پاکستان کراٹے فیڈریشن کے زیراہتمام 12 سے 14 اکتوبر تک کوئٹہ میں کھیلی جائے گی۔ چیمپیئن شپ میں دس کیٹگریز کے مقابلے رکھے گئے ہیں جن میں انفرادی کمیتے 50، 55، 60، 67، 75، 84 اور 84 پلس کلو گرام، انفرادی کاتا، ٹیم کاتا اور ٹیم کمیتے کے مقابلے شامل ہیں۔ انہوں نے کہا کہ سینسی نسیم احمد قریشی صدرسندھ کراٹے ایسوسی ایشن نے 21 رکنی سندھ کے دستہ کی منظوری دے دی ہے۔
٭٭٭٭٭