شہر کے مختلف علاقوں۔حیدرآبادسے ڈاکو۔موٹر سائیکل لفٹڑزسمیت23گرفتار

کراچی (اسٹاف رپورٹر)رینجرز اور پولیس نے شہر کے مختلف علاقوں اور حیدر آباد سے 23ملزمان کو گرفتارکرلیا ،تفصیلات کے مطابق رینجرز نے لانڈھی سے ڈکیت عثمان زادہ کو گرفتار کرلیا ، ایف بی انڈسٹریل ایریا پولیس نے ڈکیتی و اسٹریٹ کرائم کی وارداتوں میں ملوث مشتاق، ارسلان، شاہین، حیدر علی کو مقابلے کے بعد گرفتار کر کے 4پستول 2موٹر سائیکلیں برآمد کرلیں،اے سی ایل سی نے سرجانی سے موٹر سائیکل لفٹر گینگ کے 3کارندوں ساجد ، جہانزیب اور حبیب نادر کو گرفتار کر کے 10 موٹر سائیکلیں برآمد کرلیںپولیس نے شفیق موڑ سے موٹر سائیکل چھیننے والے 3ملزمان امتیاز، رضوان اور اسامہ کو گرفتار کر کے اسلحہ وموٹر سائیکل برآمد کرلی زخمی ملزم رضوانکو اسپتال منتقل کردیا گیا ،گارڈن سے عمیر اور جنید کو مقابلے کے بعد گرفتار کر کے اسلحہ موٹر سائیکل برآمد کرلی ،کورنگی پولیس نے رحمت کو گرفتار کر کے 4کلو چرس برآمد کرلی ،پیر آباد سے 3 منشیات فروش گل،عدنان،حکیم اللہ پکڑے گئے ، زمان ٹاؤن میں ڈکیتی کی ملزمہ شبانہ کو گرفتار کر کے اسلحہ برآمد کرلیاگیا جبکہ اس کا ساتھی اشتیاق فرار ہو گیا ،سائٹ اےاور پی آئی بی کالونی سے اسٹریٹ کرائم میں ملوث نور اسلام عامر اور بلال کے ساتھ منشیات فروش سجاد کو گرفتار کر کے اسلحہ منشیات برآمد کرلی ۔رینجرز نے حیدر آباد میں مشترکہ کارروائی کرتے ہو ئے منشیات فروش ادریس جانوری کو گرفتار کر کے ایک کلو چرس برآمد کرلی۔