سکھر کے نواح میں دیوار گرنے سے 9 بچے جاں بحق

سکھر/ کراچی (نمائندگان امت) سکھر کے نواح میں دیوار گرنے سے 9 بچے جاں بحق اور 3 زخمی ہو گئے۔ جنہیں اسپتال داخل کرا دیا گیا۔ سانحہ کے سبب علاقے میں کہرام مچ گیا۔ وزاعلیٰ نے نوٹس لیکر واقعے کی رپورٹ طلب کر لی۔ تفصیلات کے مطابق سکھر کی تحصیل صالح پٹ کے گاؤں غلام سرور شنبانی میں علاقے کے مکین اپنی زرعی زمینوں پر کام کرنے کے لئے گئے اور بچوں کو ایک گھر میں چھوڑ گئے جو کھیل کود میں مصروف تھے کہ اچانک گھر کی بوسیدہ دیوار ان پر آ گری، عینی شاہدین کا کہنا ہے کہ جس گھر کی دیوار گری ،و ہ قدیم اور خستہ حالت میں تھا جس کے سبب حادثہ پیش آیا۔