نیو کراچی اور کھارادر میں خاتون سمیت 2لاشیں برآمد

کراچی (اسٹاف رپورٹر) نیوکراچی اور کھارادر میں خاتون سمیت 2لاشیں برآمد ہوئی ہیں۔ نیوکراچی کے علاقے نارتھ کراچی صنوبر کاٹیج کے قریب فٹ پاتھ سے 50 سالہ شخص کی لاش ملی۔ پولیس کے مطابق متوفی کے پاس سے شناخت کی کوئی چیز نہیں ملی اوراس کے جسم پر تشدد یا گولی کا نشان نہیں ہے۔ اولڈ سٹی ایریا کی بلڈنگ موتی والا اسکوائر سے 55سالہ زاہدہ اسحاق کی لاش ملی۔پولیس نے بتایا کہ متوفیہ گھر میں اکیلی رہتی تھی اور لاش بھی کئی روز پرانی ہے ۔موت بظاہر طبعی معلوم ہوتی ہے۔