ریسلر عنایت اللہ نے یوتھ اولمپکس میں پہلا میڈل جیت لیا

کراچی (امت نیوز)پاکستانی ریسلر عنایت اللہ نے بیونس آئرس میں جاری یوتھ اولمپکس 2018 میں ملک کے لیے پہلا میڈل جیت لیا۔17 سالہ عنایت اللہ نے 65 کلو گرام کیٹیگری میں امریکی ریسلر کارسن ٹیلر مینول کو 1-3 سے شکست دیکر کانسی کا تمغہ اپنے نام کیا۔یہ یوتھ اولمپکس کی تاریخ میں پاکستان کا دوسرا اور موجودہ ایونٹ میں پہلا میڈل ہے۔اس سے قبل عنایت اللہ نے ورلڈ بیچ چیمپئن شپ 2017 میں پاکستان کے لیے گولڈ میڈل جیتا تھا ۔