کامیاب جونیئر باکسرزکو بھی خراج تحسین پیش کرتا ہوں-شہزاد پرویز

کراچی (امت نیوز)قائد ملت لیاقت علی خان کی پوری زندگی جدوجہد‘ خدمت اور قربانی سے عبارت ہے‘ پاکستان کی بنیادوں میں ان کا خون بھی شامل ہے۔ اس بات کا اظہار ڈائریکٹر اسپورٹس شہزاد پرویز نے سندھ اسپورٹس بورڈ اور سندھ باکسنگ ایسو سی ایشن کے اشتراک سے ہونے والے قائد ملت لیاقت علی خان جونیئر باکسنگ ٹورنامنٹ کی اختتامی تقریب سے خطاب کرتے ہوئے کیا۔ انہوں نے کہا کہ لیاری میں بے پناہ ٹیلنٹ موجود ہے ضرورت اس بات کی ہے کہ انہیں اپنی صلاحیتوں کے اظہار کے بھرپور مواقع دیئے جائیں۔