ماڈل کالونی۔صدر۔پاک کالونی سے 3افراد کی لاشیں ملیں

کراچی (اسٹاف رپورٹر) ماڈل کالونی ۔صدر اور پاک کالونی سے 3افراد کی لاشیں ملیں۔ تفصیلات کے مطابق ماڈل کالونی قبرستان کے قریب سڑک کنارے کھڑے ٹرک نمبر JT-1007 میں لاش کی اطلاع پر پولیس نےلاش اسپتال منتقل کی موقع پر پہنچی، ایس ایچ او انسپکٹر شبیر کے مطابق مذکورہ ٹرک دو تین روز سے کھڑا تھا ۔تعفن پھیلنےپرعلاقہ مکینوں نے اطلاع دی۔ متوفی کی شناخت 45سالہ انوکے نام سے ہوئی جو نارو وال کا رہائشی تھا، متوفی فیصل آباد سے مال لے کر کراچی آیا تھا۔ صدر میں بس اڈے کے قریب خالی پلاٹ سے معمر شخص کی لاش ملی جسے پولیس نے سول اسپتال منتقل کیا متوفی کی شناخت 75سالہ چٹا کے نام سے ہوئی جو بسوں میں جوس فروخت کرتا تھا۔ ادھر پاک کالونی کے علاقے لیاری ندی بکرا پیڑی کے قریب سے ایک لاش ملی جس کو سول اسپتال لایا گیا پولیس نے بتایا کہ متوفی کی عمر 40سال کے قریب ہے اور اسکی شناخت نہیں ہو سکی ۔