رینجرز-پولیس نے زخمی ملزم-منشیات فروشوں سمیت 41پکڑلئے

کراچی(اسٹاف رپورٹر)رینجرز اور پولیس نے مختلف علاقوں سے زخمی ملزم، منشیات فروشوں سمیت 41ملزمان کو گرفتار کر کے اسلحہ، منشیات، موٹر سائیکلیں و دیگرسامان برآمد کرلیا۔ تفصیلات کے مطابق رینجرز نے ریلوے ہائوسنگ سوسائٹی گلشن اقبال سے متعدد وارداتوں میں ملوث ملزم وصی الرحمن کو گرفتار کیا۔ترجمان کے مطابق ملزم کو سی سی ٹی وی فوٹیج کی مدد سے گرفتار کیا۔رینجرز نے ماڈل کالونی سے 3 ملزمان نور حسن، سکندر علی عرف سیکو، شبیر احمد، اینٹی کارلفٹنگ سیل پولیس نے ضیاء الدین اسپتال چورنگی کے قریب سے ملزم اسداللہ منگریجو، اسپیشل انویسٹی گیشن یونٹ سی آئی اے پولیس نے ڈاکیارڈ سے 2ملزمان عرفان مسیح ، عمیر، اورنگی پولیس نے فوٹیج کی مدد سے 2موٹر سائیکل چوروں محمد عالم، زاہد احمد ، کلری پولیس نے مقابلے کے بعد زخمی ملزم حنیف، قائدآباد پولیس نے منشیات فروش لیاقت علی، سپرمارکیٹ پولیس نے 4 ملزمان محمد علی ، سلیمان ، نبیل، قاسم علی، چاکیواڑہ پولیس نے ملزم عبدالقیوم ، پی آئی بی کالونی پولیس نے 2 منشیات فروش سلیم، نواز علی، سائٹ اے پولیس نے 2 ملزمان عبداللہ، ہدایت اللہ، سہراب گوٹھ پولیس نے2ملزمان شاہ زیب، عمران، محمودآباد پولیس نے2موٹر سائیکل لفٹر عمران اور عبدالرحمن ، درخشاں پولیس نے مفرور ملزم عثمان، کلری پولیس نے گٹکا مافیا کے کارندے اصغر علی خان، شاہ لطیف ٹائون پولیس نے 2منشیات فروش شوکت، عبدالرحمان، عزیز آباد پولیس نے ملزم نتاش ، سمن آباد پولیس نے ملزم ندیم، بلدیہ ٹائون پولیس نے ملزم عبداللہ شاہ ، مدینہ کالونی پولیس نے 4 ملزمان محمد اسحق خان، احمد رضا، محمد رحیم ، ارشد، اقبال مارکیٹ پولیس نے ملزم وقار ، پیر آباد پولیس نے ملزم آصف خان، فیروز آباد پولیس نے 2ملزمان فرمان اور شہروز کو گرفتار کرلیا۔ ملزمان سے اسلحہ ، منشیات اور موٹرسائیکلیں برآمد ہوئی ہیں۔