یوسی 15ضلع غربی میں ترقیاتی کام جاری-وائس چیئرمین کا دورہ

کراچی(اسٹاف رپورٹر)ضلع غربی کی یوسی15میں ترقیاتی کام جاری ہیں۔وارڈ 1میں کئی برس بعد چھوٹے نالوں کی صفائی کا بھی آغاز ہوچکا ہے۔اس سلسلے میں عوام نے وائس چیئرمین سے اظہار تشکر کیا ہے۔گزشتہ دنوں وائس چیئرمین جلیل شمسی نے مسجد نجم الاسلام الہی کالونی کا دورہ کیا اور نالوں کی صفائی کا جائزہ لیا۔اس موقع پر انہوں نے علاقہ مکینوں سے گفتگو کرتے ہوئے کہا کہ جماعت اسلامی ملک میں اسلامی نظام کے نفاذ کے لیے کوشاں ہے۔اس کے ساتھ ساتھ عوامی مسائل کا حل بھی ہماری اولین ترجیح ہے ۔عوام نے ووٹ دے کر منتخب کیا ہے ، تو ان کے مسائل کے حل کے لیے ہر ممکن کوشش کریں گے۔علاقہ مکینوں نے ان کی توجہ علاقے کے نالے پر ٹوٹے ہوئے پل کی طرف مبذول کرائی۔