ٹرین کی ٹکر سے نوجوان-زیر تعمیر عمارت سے گر کر مزدور جاں بحق

کراچی(اسٹاف رپورٹر) لانڈھی میں ٹرین کی زد میں آکر نوجوان، جبکہ گڈاپ میں زیر تعمیر عمارت سے گر کر مزدور جاں بحق ہو گیا۔ تفصیلات کے مطابق قائد آباد کے علاقے لانڈھی قذافی ٹاؤن میں پٹری عبور کرنے کے دوران 22سالہ عبدالکلیم ولد نسیم احمد مخالف سمت سے آنے والی ٹرین کی زد میں آکر موقع پر جاں بحق ہو گیا۔ پولیس نے بتایا کہ اسپتال میں متوفی اورنگی ٹاؤن کا رہائشی تھا۔ گڈاپ سٹی کے علاقے بقائی ٹول پلازہ کے قریب زیر تعمیر عمارت پر کام کے دوران گرنے سے مزدور30 سالہ نسیم ولد انور شدید زخمی ہو گیا، جسے فوری اسپتال منتقل کیا گیا، جہاں اس نے دم توڑ دیا۔