افتخار سہلوانی کمشنر کراچی۔عمران عطا سومرو سیکریٹری ٹرانسپورٹ و ماس ٹرانزٹ مقرر

کراچی (اسٹاف رپورٹر ) حکومت سندھ نے گزشتہ روز کمشنر کراچی سیکریٹری ٹرانسپورٹ، ملیر ، حیدرآباد ، نوشہروفیروز کے ڈپٹی کمشنرز سمیت بڑے پیمانے پر افسران کی تقرری و تبادلوں کا نوٹیفکیشن جاری کردیا۔تقرری کے منتظر گریڈ 21 کے افسر افتخار سہلوانی کو کمشنر کراچی تعینات کیلئے وہاں سے محمد صالح فاروقی کو ایس اینڈ جی اے ڈی رپورٹ کرنے کو کہا گیا ہےجب کہ ڈی جی بورڈ آف انوسٹمنٹ عمران عطا سومرو کا سیکریٹری محکمہ ٹرانسپورٹ و مانس ٹرانزٹ کے عہدے پر تبادلہ کیا گیا ہے ،تقرری کے منتظر ڈاکٹر نوازشیخ کو سیکریٹری محکمہ اوقاف زکوٰة و عشر تعینات کرکے وہاں سے ریاض سومرو کو ایس اینڈ جی اے رپورٹ کرنے کو کہا گیا ہے محکمہ خزانہ کے ڈپٹی سیکریٹری شہزاد فیصل عباسی کی ڈپٹی کمشنر ضلع ملیر مقرر کرکے وہاں سے عابد علی کا ڈپٹی سیکریٹری کے عہدے پر تبادلہ کیا گیا ہے ، سید امداد علی شاہ سیکریٹری سائٹ کراچی ہونگے وہاں سے بہزاد امیر میمن کا ڈپٹی سیکریٹری محکمہ بلدیات کے عہدے پر تبادلہ کیاگیا ہے ۔ سیکریٹری محکمہ جنگلات و جنگلی حیات سہیل اکبر شاہ کو محکمہ لائیو اسٹاک و فشریز کے عہدے کا اضافی چارج دیا گیا ہے۔گریڈ 20کی خاتون افسر لبنی صلاح الدین کو اسپیشل سیکریٹری محکمہ جنگلات و جنگلی حیات مقرر کیا گیا۔ ایڈیشنل سیکریٹری محکمہ داخلہ سید اعجاز علی شاہ کا ڈپٹی کمشنر حیدرآباد کے عہدے پر تبادلہ کرکے وہاں سے اسلم سومروکو ڈپٹی سیکریٹری محکمہ خزانہ بنایا گیا۔ ایڈیشنل سیکریٹری خزانہ اطہر جن کو ایم ڈی سائٹ اوروہاں سے خیر محمد کلوڑ کو سیکریٹری سندھ ریونیو بورڈ جب کہ تقرری کے منتظر بچل راہپو ٹوکو رجسٹرار کوآپریٹو تعینات کیاگیا ہے کرن شیخ کو محکمہ سروسز میں ڈی ایس تعینات کرکے وہاں سے سعید احمد شیخ کاڈپٹی سیکریٹری اپیل کے عہدے پر تبادلہ کیا گیا ہے گریڈ 19کے افسر ایم ڈی کراچی فش ہاربر اتھارٹی وسیم شمشادکو ڈپٹی کمشنر نوشہروفیروز بنایا گیا جب کہ وہاں سے انور علی شرکا ڈپٹی سیکریٹری داخلہ کے عہدے پر تبادلہ کیا گیا ہے ۔