حویلی لکھا میں کشتی الٹنے سے 8 افراد ڈوب گئے

حویلی لکھا(این این آئی)نواحی علاقے میں دریا عبور کرتے کشتی الٹنے سے 8 افراد ڈوب گئے، جن میں سے 6 افراد کو زندہ بچالیا گیا۔تھانہ حدود مشترکہ حویلی و بصیر پور کے علاقے باقر کے مہار دریائے ستلج کو عبور کرتی کشتی الٹنے کے باعث 8افراد ڈوب گئے۔ریسکیو ٹیموں نے فوری آپریشن کرتے ہوئے 6افراد کو بچالیا، جب کہ 2افراد دریا کی تیز لہروں کی نذر ہوہوگئے، جن کی آخری اطلاعات تک تلاش جاری تھی۔