مختلف علاقوں سے ڈاکوئوں۔منشیات فروشوں سمیت 30 دھرلیے گئے

کراچی(اسٹاف رپورٹر)رینجرز اور پولیس نے مختلف علاقوں سے ڈاکوئوں اور منشیات فروشوں سمیت 30 ملزمان کو گرفتار کرکے اسلحہ اور منشیات برآمد کرلی۔تفصیلات کے مطابق رینجرز نے مدینہ کالونی سے ملزم اورنگ زیب، الفلاح کے علاقے سے 4 ڈاکوئوں عاشر علی، نوید، جمشید اور یوسف کو گرفتار کرکے اسلحہ برآمد کرلیا۔اقبال مارکیٹ پولیس نے ملزم حسین علی، اورنگی ٹاؤن پولیس نے 4ملزمان زاہد جاوید، خالد ، سلمان ، شاکر، منگھوپیر پولیس نے منشیات فروش زبیر،سرجانی ٹاؤن پولیس نے چرس سمیت امین ، ماڑی پور پولیس نے ملزم مصطفی، کھارادر پولیس نے ملزم غلام سرور، گٹکا فروشوں بلال ، فیضان، سچل پولیس نے منشیات فروش خان ، مبینہ ٹاؤن پولیس نے ملزم فیاض الدین ،گارڈن پولیس نے گٹکا فروش رفیق، گبول ٹاؤن پولیس نے 3ملزمان اسرار ، عامر ایوب ، کامران خان، رضویہ پولیس نے 4ملزمان شجاعت اللہ، محمد آصف خان، انور سعید ، کاشف علی، جیکسن پولیس نے 4 ملزمان شاہد ، نصیب الدین ، میاں شاہ اور شفیع کو گرفتار کرلیا۔