کورنگی سے اغواہونیوالی لڑکی بازیاب – ملزم گرفتار

کراچی(اسٹاف رپورٹر)سعید آباد پولیس نے کورنگی سے اغوا ہونے والی لڑکی کو کورنگی سے بازیاب کرکے ملزم کو گرفتار کرلیا۔ملزم نے لڑکی کو زیادتی کا بھی نشانہ بنایا ہے۔تفصیلات کے مطابق سعید آباد پولیس نے مخبر خاص کی اطلاع پر کورنگی صنعتی ایریا کے علاقے سیکٹر 8 بی کے مکان نمبر 1222 پر کارروائی کی۔ اس دوران مکان سے ملزم اذلان کو گرفتار کرکے منگل کے روز اغوا ہونے والی لڑکی 14سالہ صائمہ دختر محمد اکبر کو بازیاب کروالیا ہے۔امت کو پولیس نے بتایا کہ بازیاب لڑکی کے ساتھ ملزم اذلان نے زیادتی بھی کی ہے۔ملزم اور مغویہ ایک ہی محلے کی رہائشی ہے۔بعدازاں پولیس نے مغویہ اور ملزم کو متعلقہ تھانے کے حوالے کردیا۔