قومی جوڈو ٹیم کامن ویلتھ جوڈ و چیمپئن شپ میں شرکت کریگی

اسلام آباد(امت نیوز) قومی جوڈوٹیم کامن ویلتھ جوڈو چیمپئن شپ میں شرکت کرے گی، ایونٹ میں قومی کھلاڑیوں کی شرکت ویزوں سے مشروط ہے۔ پاکستان جوڈو فیڈریشن کے نائب صدر اور ڈائریکٹر میڈیا مسعود احمد خان نے ”اے پی پی“ کو بتایاکہ چیمپئن شپ 6 سے 12 نومبر تک بھارت میں کھیلی جائے گی جس میں فیڈریشن 27 کھلاڑیوں کو بھجوائے گی۔ انہوں نے کہاکہ ایونٹ میں سینئرز، کیڈٹ، جونیئر اور ماسٹر کیٹیگری کے مقابلے کھیلے جائیں گے۔ پاکستان کے کھلاڑی تمام کیٹیگری کے مقابلوں میں بھرپور شرکت کریں گے۔ انہوں نے کہاکہ فیڈریش نے ایونٹ میں شرکت کیلئے پاکستان سپورٹس بورڈ کو این او سی کیلئے مراسلہ بھجوایا ہے۔