اورنگی سے اغوا ہونے والا بچہ دو ماہ بعد سجاول سے بازیاب

کراچی (اسٹاف رپورٹر) اقبال مارکیٹ پولیس نے اورنگی سے دو ماہ قبل اغوا ہونے والے بچے محمد اعظم کو خفیہ اطلاع پر سجاول میں کارروائی کرکے بحفاظت بازیاب کرلیا ،ایس ایس پی انوسٹی گیشن غربی ون عامر عباس شاہ نے بتایا کہ بازیاب بچہ اورنگی ٹاؤن کا رہائشی ہے جو 2ماہ قبل پراسرار طور پر لاپتہ ہو گیا تھا ۔انہوں نے مزید بتایا کہ کارروائی میں کوئی ملزم گرفتارنہیں ہو سکا۔