ملزم پکڑنے کی کوشش میں فائرنگ سے نوجوان ہلاک -بھائی زخمی

کراچی(اسٹاف رپورٹر)ایوب گوٹھ میں گھر کی چھت پر موجود ملزم کو پکڑنے کی کوشش کے دوران ملزم کی فائرنگ سے نوجوان جاں بحق اور اس کا بڑا بھائی زخمی ہوگیا۔تفصیلات کے مطابق سہراب گوٹھ کے علاقے ایوب گوٹھ احمد جمال پاڑہ ندی والی گلی میں واقع ایک گھر کی چھت پر ایک شخص چڑھ گیا، جس کو پکڑنے کے لیے دو بھائی چھت پر چڑھے، تو ملزم فائرنگ کرکے فرار ہوگیا۔فائرنگ کے نتیجے میں دونوں بھائی شدید زخمی ہوگئے، جن میں ایک اسپتال میں دم توڑ گیا۔ایس ایچ او بابر حمید نے بتایا کہ مقتول کی شناخت 21 سالہ یاسین ولد ذاکر حسین اور زخمی کی 32 سالہ الیاس کے نام سے ہوئی۔اب تک ہونے والی تفتیش میں معاملہ پراسرار ہے۔