یوتھ انڈر۔18 فٹبال چیمپئن شپ کی تیاریاں جاری

اسلام آباد(امت نیوز) پوپو فٹ بال اکیڈمی کے زیراہتمام پوپو یوتھ انڈر۔18 فٹ بال چیمپئن شپ 2 نومبر سے کراچی کمپنی فٹ بال گراؤنڈ اسلام آباد میں شروع ہو گی۔ پوپو فٹ بال اکیڈمی کے سربراہ حارث بن ہارون نے بتایاکہ چیمپئن شپ کی تیاریاں زور و شور پر ہیں۔ انہوں نے کہا کہ چیمپئن شپ میں ملک بھر سے آٹھ ٹیمیں حصہ لے رہی ہیں۔ ایک ماہ تک جاری رہنے والا ٹورنامنٹ سنگل لیگ سسٹم کی بنیاد پر کھیلا جا ئے گا۔