جماعت اسلامی خواتین کے تحت 2 روزہ میڈیا ورکشاپ

کراچی (امت نیوز) میڈیا کا اہم محاذ داعی دین کیلئے چومکھی جنگ ہے۔ قرآن و سنت اور تحریک کے اخلاقی دائرے میں رہ کر اپنا کردار ادا کریں۔ یہ بات جماعت اسلامی حلقہ خواتین کی سیکریٹری جنرل دردانہ صدیقی نے کل پاکستان سطح پر منعقدہ دو روزہ میڈیا ورکشاپ میں کہی۔ انہوں نے کامیاب ورکشاپ کے انعقاد پر میڈیا سیل کی کارکنان کو مبارکباد پیش کرتے ہوئے تعمیر معاشرہ کیلئے کی جانے والی ان کی کوششوں کو سراہا۔ انہوں نے معاشرتی مسائل میں خواتین کے موثر کردار کی اہمیت پر گفتگو کی۔ دریں اثنا ڈائریکٹر ادارہ معارف اسلامی شاہد ہاشمی، شاہد وارثی، سلمان شیخ، ڈاکٹر حمیرا طارق، عالیہ منصور اور ڈاکٹر غیاث الدین نے بھی خطاب کیا۔