اسلام اور عظمت رسول ؐ کیلئے ہرقربانی دینی چاہیے-مولانا اکرم طوفانی

کراچی(اسٹاف رپورٹر)عالمی مجلس تحفظ ختم نبوت کے مرکزی رہنما مولانا اکرم طوفانی نے کہا ہے کہ شہادت سیدنا حسین ؓ ہمیں اس بات کا درس دیتی ہے کہ اسلام اور عظمت رسولؐ کے لیے ہر قسم کی قربانی دینی چاہیے ، لیکن ایسا کوئی سمجھوتہ نہیں کرنا، جس سے اسلام کا نقصان ہوتا ہو ۔ان خیالات کا اظہار انہوں نے کارکنوں سے خطاب کرتے ہوئے کیا۔ مبلغ مولانا قاضی احسان نے کہا کہ عالم اسلام عقیدہ ختم نبوت کی حفاظت کرتے ہوئےمنکرین ختم نبوتؐ اوراسلام دشمنوں پر خصوصی نظر رکھے اور ان کے خلاف قانونی راستہ اختیار کرے۔ غیر قانونی راستہ اختیار کرنے والوں کا جماعت سے تعلق نہ ہوگا ۔پروگرام میں مولانا عبدالحئ مطمئن‘ مولانا محمد عبدالوہاب‘ مولانا کلیم اللہ‘ مولانا مسعود لغاری سمیت دیگر نے بھی شرکت کی۔