کیویز کیخلاف فیصلہ کن برتری حاصل کرینگے- محمد حفیظ

دبئی(امت نیوز) پاکستان کی ٹی ٹونٹی ٹیم کے مایہ ناز آل رائونڈر محمد حفیظ نے کہا ہے کہ وہ مکمل طور پر فٹ اور بھرپور فارم میں ہیں۔ انہوں نے کہا کہ کیویز کے خلاف پہلے میچ میں ٹیم کی فتح میں اہم کردار ادا کرنے پر وہ بہت خوش ہیں۔ انہوں نے کہاکہ وہ نیوزی لینڈ کے خلاف دوسرے میچ میں بھی اپنی عمدہ کارکردگی کی بدولت ٹیم کی فتح میں اہم کردار ادا کرینگے۔ انہوں نے کہا کہ ٹیم کا مورال بلند ہے اور ٹیم کیویز کو دوسرے میچ میں بھی کامیابی کے بعد تین میچوں کی سیریز میں 2-0 کی فیصلہ کن برتری حاصل کرگی جس کیلئے ٹیم نے بھرپور تیاری کر رکھی ہے۔ اپنے ایک بیان میں انہوں نے کہا کہ آسٹریلیا کے خلاف سیریز اور کیویز کے خلاف پہلے میچ میں کامیابی کے بعد ٹیم کی ٹی ٹونٹی میچز میں مسلسل فتوحات کی تعداد 7 ہوگئی ہے جو خوش آئندہ ہے۔ انہوں نے کہا کہ نوجوان کھلاڑی جس طرح پرفارم کر رہے ہیں وہ پلس پوائنٹ ہے۔