ساف فٹبال-فائنل میں پاکستان اور بنگلہ دیش مدمقابل

کھٹمنڈو(امت نیوز) ساف انڈر 15 فٹ بال چیمپئن شپ کا فائنل (آج) ہفتہ کو کھیلا جائے گا، پاکستان اور بنگلہ دیش کی ٹیمیں فیصلہ کن معرکے میں آمنے سامنے ہوں گی، دونوں ٹیمیں ایونٹ میں اب تک ناقابل شکست ہیں اسلئے فائنل میں کانٹے دار مقابلے کی توقع کی جا رہی ہے۔ تفصیلات کے مطابق نیپال میں جاری میگا ایونٹ اختتامی مرحلے میں داخل ہو گیا ہے اور دو ٹاپ ٹیموں پاکستان اور بنگلہ دیش نے شاندار کھیل کی بدولت فائنل میں جگہ بنا رکھی ہے، ایونٹ کے سیمی فائنلز میں پاکستان نے میزبان نیپال کو 4-0 گولز سے شکست فاش سے دوچار کیا تھا جبکہ بنگلہ دیش نے بھارت کو پنالٹی شوٹ آؤٹ پر 4-2 گولز سے شکست دی تھی۔ پاکستان اور بنگلہ دیش کی ٹیمیں فیصلہ کن معرکے میں (آج) ہفتہ کو مدمقابل ہوں گی۔ مسلسل فتوحات کے بعد دونوں ٹیموں کا مورال بلند ہے اور وہ ٹائٹل فتح کیلئے پر جوش ہیں۔