سرجانی ٹاون میں موٹرسائیکل سوار وں نے شہری قتل کردیا

کراچی (اسٹاف رپورٹر)سرجانی میں ملزمان نے فائرنگ کرکے موٹر سائیکل سوار کو قتل کردیا ۔ تفصیلات کے مطابق سیف المری گوٹھ روڈ پر نامعلوم موٹر سائیکل سوار وں نے فائرنگ کرکے موٹر سائیکل سوار 30سالہ احمدعلی کو شدید زخمی کردیا جسے اسپتال پہنچایا گیا تاہم وہ خون زیادہ بہہ جانے سے دم توڑ گیا متوفی سرجانی کا رہائشی تھا ۔پولیس کے مطابق واقعہ ذاتی دشمنی کا شاخسانہ معلوم ہوتا ہے ،پولیس نے کارروائی کے بعد لاش ورثاءکے حوالے کرکے ملزمان کی تلاش شروع کردی ہے ۔