چارسدہ کے قبرستان میں چھپایا گیا بھاری اسلحہ برآمد

چارسدہ (بیورورپورٹ ) چارسدہ پولیس نےبڑی کارروائی کرتے ہوئے میاں عیسیٰ قبرستان میں زمین میں چھپایا گیا بھاری اسلحہ برآمد کر لیا۔ اسلحہ پلاسٹک کے تھیلوں میں محفوظ کرکے زمین میں چھپایا گیا تھا۔ ڈی ایس پی محمدریاض خان کی نگرانی میں پولیس نے نامعلوم ملزمان کے خلاف مقدمات درج کر کے تفتیش شروع کر دی۔ پولیس ذرائع کے مطابق برآمد ہونے والے اسلحہ میں 7راکٹ لانچر،32راکٹ گولے، 2ہینڈ گرنیڈ ، 8فائر بم،4مائن، 12سیفٹی فیوز،3بکس انٹی ائیر کرافٹ ایمونیشن ،2ایس ایم جی اور 1مشین گن شامل ہیں ۔پولیس ذرائع کے مطابق اسلحہ پلاسٹک کے تھیلوں میں محفوظ کرکے زمین میں چھپایا گیا تھا ۔پولیس ذرائع کے مطابق کاروائی خفیہ ذرائع کے اطلاع پر کی گئی اور ملزمان کی گرفتاری کیلئے ماہر پولیس افسران پر مشتمل ٹیم تشکیل دی گئی جو بہت جلد ملزمان کا کھوج لگاکر قانون کے کٹہرے میں کھڑا کریگی ۔