عمران نے چین میں بھی کنٹینر والی تقریر دوہرائی-احسن اقبال

نارووال(امت نیوز)مسلم لیگ (ن) کے مرکزی رہنما احسن اقبال نے کہا ہے کہ وزیر اعظم عمران خان نے چین میں کنٹینر والی تقریر دوہرا دی ۔نجی ٹی وی کے مطابق میڈیا سے گفتگو کرتے ہوئے احسن اقبال نے کہا کہ چین کی کمیونسٹ پارٹی کے سکول میں وزیر اعظم عمران خان نے وہی تقریر دہرا دی جو وہ ڈی چوک میں دھرنے کے موقع پر کنٹینر سے فرمایا کرتے تھے، اس سے قبل وہ یہی خطاب ریاض میں عالمی سرمایہ کاری کانفرنس میں بھی فر ما چکے ہیں ، ملک کی بد خوئیاں اور اپنی بڑائیاں کرنا عمران خان کی عادت بن چکی ہے۔احسن اقبال کا کہنا تھا کہ انہوں نے بطور وزیر داخلہ آخری دورہ چین کے موقع پر اعلیٰ سطح کی میٹنگ میں دونوں ملکوں کے درمیان سی پیک سیکیورٹی تعاون پہلے ہی بڑھا دیا تھا