سری لنکا اور انگلینڈ میں پہلا ٹیسٹ آج ہوگا

کولمبو (امت نیوز) سری لنکا اور انگلینڈ کی کرکٹ ٹیموں کے درمیان تین ٹیسٹ میچوں پرمشتمل سیریز کا پہلا میچ آج 6 نومبر سے گال میں شروع ہوگا۔ ٹیسٹ سیریز کی تیاری کے سلسلے میں انگلینڈ اور سری لنکن بورڈ پریذیڈنٹ الیون کی ٹیموں کے درمیان کھیلا تین روزہ ٹور میچ ہار جیت کے فیصلے بغیر ہی ختم ہوگیا تھا۔ اس سے قبل دونوں ٹیموں کے درمیان کھیلی گئی ون ڈے اور ٹی ٹونٹی سیریز انگلش ٹیم کے نام رہی تھی، ون ڈے سیریز میں انگلینڈ نے میزبان سری لنکا کو 3-1 سے شکست دی تھی۔
٭٭٭٭٭