اقبال ڈے باکسنگ مقابلے کی تیاری جاری
کراچی(امت نیوز) علامہ اقبال ڈے باکسنگ ٹورنامنٹ کے مقابلے کراچی، حیدرآباد اور شہید بے نظیر آباد ڈویژن میں منعقد ہوں گے۔ سیکرٹری سندھ باکسنگ ایسو سی ایشن اصغر بلوچ کے مطابق سندھ باکسنگ ایسو سی ایشن تعاون سے منعقد ہونے والے مقابلے کراچی میں استاد محمد سٹو باکسنگ اسٹیڈیم بلوچ چوک چاکیواڑہ لیاری میں ساؤتھ باکسنگ ایسوسی ایشن کے زیر اہتمام نگراں سیکریٹری ساؤتھ ایسوسی ایشن عبدالرزاق بلوچ ہوں گے۔ حیدرآباد باکسنگ ایسوسی ایشن کے زیر اہتمام ینگ مین باکسنگ کلب پکہ قلعہ حیدرآباد میں نگراں سیکریٹری حیدرآباد ڈویژن عبدالرزاق زہری ہوں گے جبکہ شہید بے نظیر آباد کے زیر اہتمام گورنمنٹ سندھی پرائمری اسکول شہداد پور میں نگراں رانا واجد سیکرٹری شہید بے نظیر آباد ہوں گے۔ بوائز جونیئرز اور سینئر کلاس کے باکسرز ان مقابلوں میں حصہ لیں گے۔
