ٹائر کا رنگ لگنے سے پنکچر والا-گاڑیوں کی ٹکر سے2نوجوان جاں بحق

کراچی (اسٹاف رپورٹر) سچل میں ٹائر کا رنگ لگنے سے پنکچر کی دکان کا مالک، جبکہ سرجانی اور شیر شاہ میں گاڑیوں کی ٹکر سے2نوجوان جاں بحق ہوگئے۔ تفصیلات کے مطابق سچل کے علاقے سپرہائی وے پر واقع پنکچر کی دکان کا مالک35سالہ سعد علی خان ولد بخت محمد خان پنکچر لگانے کیلئے ٹرالر کا ٹائر کھول رہا تھا کہ اسی دوران ٹائر کا رنگ نکل کر اس کے سینے پرجا لگا، جس کے نتیجے میں وہ موقع پر جاں بحق ہوگیا، متوفی سپرہائی وے کا رہائشی تھا۔سرجانی بابا موڑ کے قریب نامعلوم گاڑی کی ٹکر سے18سالہ عمر ولدزریات خان جاں بحق اور 18سالہ شہباز ولد اعظم خان زخمی ہوگیا۔ شیرشاہ کے علاقے میزان بینک کے قریب تیز رفتار گاڑی نے 24 سالہ عابد بلال ولد عبدالغنی کو روند ڈالا۔