تھر بدلے گا پاکستان کے عنوان سے تقریب 14نومبر کو ہوگی

کراچی(بزنس رپورٹر)ٹی ای ڈیکس اسلام آباد کا انعقاد 14نومبر کو تھر پارکر میں ہوگا۔’’تھر بدلے گا پاکستان‘‘ کے عنوان سے منعقدہ تقریب کے تھر فاؤنڈیشن اور وزارت تعلیم سندھ پارٹنرز ہیں۔تقریب میں مختلف موضوعات ٹیکنالوجی، انٹر ٹینمنٹ، ڈیزائن، سائنس، آرٹس، بزنس اورڈیولپمنٹ پر ممتاز ماہرین اظہارِ خیال کریں گے۔تھر فاؤنڈیشن کے چیف ایگزیکٹو افسر شمس الدین شیخ نے کہا کہ پہلی TEDxIslamkot مقامی جنریشن کو اپنے خیالات کے اظہار کیلئے رہنمائی کے ساتھ ساتھ انہیں قومی و بین الاقوامی سامعین تک پہنچانے میں مدد فراہم کرے گی۔