دوا ہم ٹی ٹوئنٹی سیریز کےلئے آسٹریلوی اسکواڈ تیار

سڈنی(امت نیوز) کرکٹ آسٹریلیا نے جنوبی افریقہ اور بھارت کے خلاف ٹی ٹونٹی میچز کےلئے 13 رکنی ٹیم کا اعلان کردیا۔ تجربہ کار کھلاڑی مچل سٹارک، مچل مارش، نیتھن لیون اور پیٹر سڈل سکواڈ میں جگہ بنانے میں ناکام ہوگئے۔ پاکستان کے خلاف تین ٹی ٹونٹی میچز کی سیریز میں وائٹ واش ہونے کے بعد آسٹریلوی کرکٹ بورڈ نے جنوبی افریقہ اور بھارت کے خلاف سیریز کےلئے فاسٹ بولر مچل سٹارک، نیتھن لیون اور مچل مارش کو ٹیم میں شامل نہیں کیا۔ پاکستان کے خلاف حالیہ سیریز میں مچل سٹارک کی غیر موجودگی کی صورت میں سکواڈ میں جگہ بنانے والے پیٹر سڈل کو بھی ٹی ٹونٹی سکواڈ سے آو¿ٹ کردیا گیا۔ تجربہ کار ٹیسٹ باؤلر جوش ہیزل ووڈ اور پیٹ کمنز کو بھی فٹنس مسائل کا شکار ہونے کے بعد سکواڈ میں شامل نہیں کیا گیا۔ جنوبی افریقہ اور بھارت کے خلاف 13 رکنی آسٹریلین سکواڈ کا حصہ بننے والوں میں جیس بہرنڈروف، نیتھن کولٹر نائل، بلی اسٹنلیک اور ایڈم ٹائے شامل ہیں۔ آسٹریلوی سکواڈ کی قیادت آرون فنچ کرینگے جبکہ دیگر کھلاڑیوں میں گلین میکسویل، الیکس کیری، ایشٹن ایگر، جیسن بہرنڈروف، کرس لین، بین میکڈرمٹ، آرکی شورٹ، نیتھن کولٹر، بلی اسٹینلیک، مارکس اسٹونس، اینڈریو ٹائی اور ایڈم زمپا شامل ہیں۔
٭٭٭٭٭