برطانیہ میں اے ٹی پی فائنلز ٹینس ٹورنامنٹ کی تیاریاں مکمل

لندن(امت نیوز) اے ٹی پی فائنلز ٹینس ٹورنامنٹ (کل) اتوار سے انگلینڈ کے دارالحکومت لندن میں شروع ہوگا۔ ٹورنامنٹ انتظامیہ کے مطابق ایونٹ میں دنیائے ٹینس کے نامور ٹینس سٹار ایکشن میں نظر آئیں گے۔ بلغاریہ کے ٹینس سٹار گریگور ڈیمٹروف نے 2017ء میں یہ ٹائٹل اپنے نام کیا تھا۔ ٹورنامنٹ کے لئے 8 لاکھ امریکی ڈالر کی انعامی رقم مختص کی گئی ہے۔ ٹورنامنٹ ہارڈ کورٹ پر کھیلا جائیگا جو آٹھ روز جاری رہنے کے بعد 18 نومبر کو اختتام پذیر ہوگا۔ ارجنٹائنی کھلاڑی جان مارٹن ڈیل پوٹرو فٹنس مسائل کے باعث اے ٹی پی فائنلز ٹینس ٹورنامنٹ سے باہر ہو گئے۔
٭٭٭٭٭