بھارت اور ویسٹ انڈیز میں آخری ٹی ٹوئنٹی کل کھیلا جائیگا

چنائی(امت نیوز) بھارت اور ویسٹ انڈیز کی ٹیموں کے درمیان تین ٹی ٹونٹی بین الاقوامی کرکٹ میچوں پر مشتمل سیریز کا تیسرا اور آخری میچ (کل) اتوار کو چنائی میں کھیلا جائے گا۔ بھارت کو تین میچوں کی سیریز میں 2-0 کی فیصلہ کن برتری حاصل ہے۔ بھارت کا شاندار کارکردگی کا سلسلہ برقرار ہے۔ بھارت نے ویسٹ انڈیز کی ٹیم کو پہلے ٹی ٹونٹی کرکٹ میچ میں 5 وکٹوں سے جبکہ دوسرے میچ میں 71 رنز سے شکست دیکر فیصلہ کن برتری حاصل کی ہے۔ دونوں ٹیموں کے درمیان سیریز کا تیسرا میچ بھی نائٹ ہوگا اور برقی قمقموں کی روشنی میں کھیلا جائیگا۔ ٹیسٹ اور ون ڈے سیریز میں عبرتناک شکستوں کے بعد کالی آندھی پر اب ٹی ٹونٹی سیریز میں کلین سویپ شکست کے بادل منڈلا رہے ہیں۔