پی آئی اے کے تحت یوم اقبال منایا گیا

کراچی(اسٹاف رپورٹر) پی آئی اے کے تحت یوم اقبال جوش وجذبے سے منایا گیا۔ اس سلسلے میں علامہ اقبال انٹرنیشنل ائر پورٹ لاہور میں تقریب ہوئی۔ علامہ اقبال کے پوتے ولید اقبال بھی شریک ہوئے ۔تقریب میں معروف ٹی وی اداکارہ ثمینہ پیرزادہ کے علاوہ مسافروں اور پی آئی اے عملے نے شرکت کی۔ ولید اقبال اور مسافروں نے سالگرہ کا کیک کاٹا ۔اس موقع پر پی آئی اے کے صدر ایئر مارشل ارشد ملک نے اپنے پیغام میں کہا کہ پاکستان علامہ اقبال جیسے عظیم مفکر اور عظیم قائد محمد علی جناح کی غیر معمولی کاوشوں سے قائم ہوا ۔واضح رہے یوم اقبال پی آئی اے کی تاریخ میں پہلی بار منایا گیا ۔