آن لائن ٹریول ایجنسی نے سیریز ”اے“ کیلئے 15لاکھ ڈالر حاصل کرلئے

کراچی(بزنس رپورٹر)کراچی میں قائم آن لائن ٹریول ایجنسی (او ٹی اے) Sastaticket.pkنے ریجنل وینچر کیپیٹل فرم گوبی پارٹنرز کی قیادت میں اپنی سیریز ”اے“ کے لئے 15لاکھ ڈالر حاصل کرلئے ہیں۔اس بات کا اعلان ایجنسی کی جانب سے ”021ڈسرپٹ کانفرنس“ میں کیا گیا۔شاذل اور بلال مہکری کی جانب سے ستمبر 2016ء میں قائم ہونے والی Sastaticket.pk اندرون ملک مسافروں کو فلائٹس اور ہوٹلوں کی فوری آن لائن بکنگ اور ادائیگی کی سہولت فراہم کرتی ہے۔کمپنی کے سینئر عہدیدار شاذل نے کہا کہ یہ فنڈنگ ہمارے پیمانے، ہنر مند افراد کو بھرتی کرنے اور اسلامی سیاحت جیسے اہم شعبوں میں ترقی کی رفتار میں اضافہ کرے گی۔گوبی کے بانی پارٹنر تھامس جی تساؤ نے کہا کہ آن لائن سفری سہولیات میں گوبی نے بہت زیادہ سرمایہ کاری کر رکھی ہے۔