ابوظہبی ٹیسٹ کیلئے پاکستانی ٹیم کی تیاری جاری

ابوظہبی(امت نیوز)ابوظہبی ٹیسٹ کیلئے پاکستانی ٹیم کی تیاری جاری ہے۔کھلاڑیوں نے نیٹ سیشن میں بھر پور شرکت کرکے خود کو گرمایا۔پاکستان اور نیوزی لینڈ کی کرکٹ ٹیموں کے درمیان تین بین الاقوامی ٹیسٹ میچوں پر مشتمل سیریز کا پہلا میچ 16 نومبر سے ابوظہبی میں شروع ہوگا۔ پاکستان نے تین ٹی ٹونٹی میچوں کی سیریز میں کیویز کو کلین سویپ کیا تھا جبکہ دونوں ٹیموں کے درمیان کھیلی گئی تین ون ڈے میچوں کی سیریز 1-1 سے برابر تھی تاہم دونوں ٹیموں کے درمیان سیریز کا تیسرا اور آخری ون ڈے میچ بارش کے باعث متاثر ہوگیا اور تین میچوں کی سیریز 1-1 سے برابری پر ختم ہوگئی۔ دونوں ٹیموں کے درمیان تین ٹیسٹ میچوں کی سیریز کا دوسرا میچ 24 سے 28 نومبر تک دبئی میں کھیلا جائیگا ۔