مانسہرہ میں پولیس ٹیسٹ کے لیے 65جعلی امیدوارگرفتار

مانسہرہ (نمائندہ امت) مانسہرہ پولیس لائن میں پولیس کانسٹیبلان کی بھرتی کیلئے ایٹا ٹیسٹ میں شریک 65جعلی امیدوار گرفتار، دوسروں کی جگہ ٹیسٹ دینے والوں میں دو ڈاکٹرز پانچ انجینئرز، محکمہ تعلیم کے ملازمین اور دیگر محکموں کے ملازمین بھی شامل تھے جنہیں گرفتار کر کے مختلف تھانوں میں بند کر دیاگیا۔تفصیل کے مطابق مانسہرہ پولیس لائن میں پولیس کانسٹیبلز کی بھرتی کیلئے ایٹا کے زیر اہتمام انٹری ٹیسٹ کا اہتمام کیا گیا جس کیلئے بائیومیٹرک سسٹم اختیار کیا گیا۔ٹیسٹ دینے کیلئے پچاس سے زائد لڑکیوں سمیت 1500 امیدوار آئے جن میں سے 65جعلی امیدواروں کو بائیومیٹرک شناخت کے ذریعے گرفتار کر لیا گیا، جعلی امیدواروں کا تعلق کوہستان اور مانسہرہ سے بتایا جاتا ہے۔