اوتھل میں بریک فیل ہونے پر کوچ الٹ گئی-خاتون سمیت3 جاں بحق

حب ( نمائندہ امت) اوتھل کے قریب کوچ الٹنے سے ایک خاتون سمیت 3 مسافر جاں بحق اور 13 شدید زخمی ہوگئے، جنہیں ابتدائی طبی امداد کے بعد کراچی منتقل کردیا گیا- تفصیلات کے مطابق اتوار کے روز کراچی سے کوئٹہ جانے والی تیز رفتار مسافر کوچ کے بریک فیل ہونے کے باعث اوتھل کے قریب لسبیلہ یونیورسٹی کے مقام پر الٹ گئی، جس کے نتیجے میں ایک خاتون سمیت 3 افراد جاں بحق ہوگئے، جبک دیگر 13 مسافر شدید زخمی ہوگئے ہیں۔ لاشوں اور زخمی افراد کو ایدھی ایمبولنسوں کے ذریعے اوتھل اسپتال پہنچایا گیا، جہاں قانونی کارروائی کے بعد لاشیں ورثا کے حوالے کردی گئیں، جبکہ زخمیوں کو ابتدائی طبی امداد کے بعد مزید علاج کیلئے کراچی منتقل کر دیا گیا ہے۔ جاں بحق اور زخمی افراد کا تعلق کوئٹہ کے مختلف علاقوں سے ہے۔