غیر ملکی اسکواش پلیئرز کیلئے فول پروف سیکیورٹی کا انتظام

کراچی(امت نیوز)ڈی ایچ اے کپ انٹرنیشنل اسکواش چمپئن شپ کا آغاز (کل)منگل سے ہوگا تاہم 24 نومبر تک ڈی اے اتھارٹی کلب میں شیڈول 5 روزہ چمپئن شپ میں شریک غیرملکی کھلاڑیوں کوفول پروف سیکیورٹی فراہم کی جائے گی۔ٹورنامنٹ ڈائریکٹر اورسندھ اسکواش ایسوسی ایشن کے سیکریٹری راشد احمد نے بتایا کہ پی ایس اے سے رجسٹرڈ اور پاکستان اسکواش فیڈریشن سے منظور شدہ چمپئن شپ میں مینز اور ویمنزایونٹس کے مقابلے شیڈول ہیں، ساڑھے 23ڈالرز کی انعامی رقم کی چمپئن شپ میں مینز ایونٹ کے لیے18ہزاراور ویمنز ایونٹ کے لیے ساڑھے 5 ڈالرز کی انعامی رقم رکھی گئی ہے۔انہوں نے بتایا کہ ان مقابلوں میں17ممالک سے تعلق رکھنے والے عالمی رینکنگ کے مرد اور خواتین کھلاڑی شرکت کررہے ہیں،32،32 کھلاڑیوں کے دونوں ایونٹس میں ٹاپ8،8 کھلاڑیوں کو بائی دی گئی ہے جبکہ پہلے راؤنڈ میں 16،16 کھلاڑی کورٹ میں اتریں گے۔مینز ایونٹ میں عالمی رینکنگ میں 45 ویں پوزیشن کے حامل مصرکے کریم الفاتحی کوٹاپ سیڈ قراردیا گیا ہے جبکہ مصر ہی کے عالمی نمبر 52 سیڈ 2 کھلاڑی قرار پائے ہیں، ملائیشیا کے ایوان یون سیڈ3 اورپاکستان کے طیب اسلم سیڈ 4 کھلاڑی ہوں گے۔