سوات میں سردی بڑھنے سے مکینوں کی نقل مکانی شروع

سوات(بیورورپورٹ) سوات کے بالائی علاقوں میں برفباری اور شدید سردی کے بعد وادی کالام اور اطراف کے علاقوں سے ہزاروں خاندانوں کی میدانی علاقوں میں ہجرت شروع ہوگئی ،ہر سال سردیوں میں وادی کالام کے مختلف علاقوں سے 5ہزار کے قریب خاندان پنجاب اور صوبے کے دیگر میدانی علاقوں کی طرف ہجرت کرتے ہیں ،یہ سلسلہ اکتوبر کے مہینے سے شروع ہوتا ہے اور دسمبر کے آخرتک جاری رہتا ہے ،مئی کے مہینے میں واپسی کا عمل شروع ہوجاتا ہے ۔