نتائج کے اگلے روز ہی نویں جماعت کی مارکس شیٹس کا اجرا شروع

کراچی (اسٹاف رپورٹر)میٹرک بورڈ نے نتائج کے اگلے روز ہی نویں جماعت کی مارکس شیٹس جاری کرنا شروع کردیں۔ تفصیلات کے مطابق چیئرمین میٹرک بورڈ ڈاکٹر سعید الدین نے تمام الحاق شدہ تعلیمی اداروں کے سربراہان سے کہا ہے کہ وہ اتھارٹی لیٹر کےہمراہ شیڈول کے مطابق مارکس شیٹس حاصل کر سکتے ہیں جبکہ پرائیویٹ امیدواروں کی مارکس شیٹس ان کے رہائشی پتوں پر ارسال کر دی گئی ہیں ۔ شیڈول کے مطابق 26نومبر کو نیو کراچی، نارتھ ناظم آباد، گلبرگ، لیاقت آباد، گلشن اقبال،27نومبر کو جمشید ٹاؤن، شاہ فیصل کالونی، ملیر، بن قاسم، لانڈھی، جمشید ٹاؤن ،28نومبرکو لیاری، کیماڑی، بلدیہ ٹاؤن، سائٹ، اورنگی ۔گڈاپ ، صدر ، کورنگی کے تعلیمی ادارے مارکس شیٹس حاصل کر سکتے ہیں ۔