گلشن اقبال میں چوکیدارا غوا کے بعد قتل

کراچی (اسٹاف رپورٹر) گلشن اقبال میں چوکیدار اغوا کے بعد قتل کر دیا گیا ۔ملیر سے 2لاشیں ملیں ۔تفصیلات کے مطابق گلشن اقبال بلاک13ڈی فٹبال گراؤنڈ کی جھاڑیوں سےبدھ کو 29سالہ ناز پرین خان کی لاش ملی۔ پولیس کے مطابق مقتول 13ڈی مارکیٹ میں چوکیدار تھاجسے اغوا کرکے تیز دھار آلے سے ذبح کیا گیا ۔مقتول کا اپنے سسرال سے جھگڑا چل رہا تھا ۔ ملیر کے علاقے عمار یاسر سوسائٹی میں مکان سے 65سالہ نثار ولد سلطان خان کی لاش ملی پولیس کے مطابق متوفی اکیلا رہتا تھا اس کی موت دل کا دورہ پڑنے سے ہوئی ۔ دریں اثنا گلشن اقبال صدیق اکبر مسجد کے قریب سے 45سالہ زرمار شاہ ولد احسان شاہ کی لاش ملی جو دل کا دورہ پڑنے سےچل بسا۔متوفی کے ورثاءبغیر کارروائی کے لاش ہمراہ لے گئے۔