حویلیاں میں کرکٹ میچ کی لڑائی پر 7 قتل

ہری پور(نمائندہ امت )حویلیاں کے نواحی علاقہ رجوعیہ میں بچوں کے جھگڑے پر دو گروپوں میں تصادم سے سات افراد جاں بحق دو شدید زخمی ہو گئے زخمیوں کو ہسپتال منتقل کر دیا گیا جاں بحق افراد کی لاشوں کو حویلیاں ہسپتال پوسٹ مارٹم کیلئے پہنچایا گیا پولیس کے مطابق رجوعیہ میں کرکٹ کھیلتے ہوئے بچے آپس میں لڑ پڑپڑے جھگڑے کے بعد دونوں گروپ ایف آئی آر درج کرانے چوکی پہنچے پولیس چوکی میں تلخ کلامی کے بعددونوں گروپوں میں تصادم ہواذرائع کے مطابق دونوں گروپووں نے پولیس چوکی رجوعیہ کے اندر ایک دوسرے پر فائرنگ کر دی فائرنگ سے انور شاہ ولد محمود شاہ ، مختیار شاہ ولدمحمود شاہ شوکت شاہ ولد اسلم شاہ راشد شاہ سمیت دیگر تین افراد ہلاک ہوگئے ایس ایچ او ھادی پرستان کے مطابق تمام افراد کی لاشوں کو پوسٹ مارٹم کیلئے حویلیاں ہسپتال منتقل کیا گیا ہے زخمیوں کو اے ایم سی ہسپتال منتقل کر دیا گیا ہے پولیس نے لاشوں کو پوسٹ مارٹم کے بعد ورثا کے حوالہ کردیا ہے اور ملزمان کے خلاف ابتدائی رپورٹ درج کرلی گی ہے پولیس ذرائع کے مطابق ایک گروپ کے طارق نامی شخص نے رجوعیہ پولیس چوکی کے اندر گھس کر فائرنگ کی جس سے حالات کشیدہ ہوئے پولیس کے مطابق دو زخمیوں کی حالت بھی تشویش ناک بتائی جاتی ہے ۔