خیر پور میں شوہر کے سامنے بیوی سے زیادتی کی کوشش- 4 گرفتار

خیر پور (نمائندہ اُمت) ببرلو کے قریب سفاک ملزمان نے شوہر کے سامنے بیوی سے زیادتی کی کوشش کی۔ کھجور کے باغ میں جانی باگڑی کو مزاحمت پر تشدد کا نشانہ بھی بنایا گیا۔ جبکہ خاتون کی چیخ و پکار پر علاقہ مکین پہنچ گئے، واقعہ میں ملوث 4 ملزمان پولیس نے گرفتار کر لئے۔ تفصیلات کے مطابق خیرپور کے قریب ببرلو کے گاؤں ابڑی میں 5 ملزمان کی کھجور کے باغ میں مزدور جانی باگڑی کو تشدد کا نشانہ اور یرغمال بنا کر اس کی بیوی منٹھاراں باگڑی کو جنسی زیادتی کا نشانہ بنانے کی کوشش کی گئی، ملزمان نے خاتون کو بھی لاٹھیوں اور کلہاڑیوں کے وار کرکے زخمی کردیا ،متاثرہ خاتون نے چیخ و پکار کی تو سینکڑوں افراد موقع پر پہنچ گئے، اور خاتون کو جنسی زیادتی کا نشانہ بننے سے بچا لیا، واقعہ کی اطلاع ملنے پر ببرلو پولیس نے موقع پر پہنچ کر 4 ملزمان کو گرفتار کرلیا جبکہ ایک ملزم فرار ہونے میں کا میاب ہوگیا، متاثرہ خاتون کی مدعیت میں ببرلو پولیس نے 5 ملزمان کے خلاف مقدمہ درج کر لیا۔ جبکہ زخمی ہونے والی متاثرہ خاتون کو رورل ہیلتھ سینٹر گاڑی موری میں داخل کرایا گیا ہے، اس موقع پر متاثرہ خاتون نے بتایا کہ کھجور کے باغ میں کام کررہے تھے کہ ملزمان نے میرے شوہر کو باغ میں رسیوں سے باندھ کر تشدد کیا۔ اورمیرے ساتھ زیادتی کی کوشش کی، میری چیخ و پکار پر ملزمان نے مجھے بھی تشدد کا نشانہ بنا کر زخمی کر دیا۔