ویمن ورلڈ ٹی ٹونٹی- انگلینڈ نے فائنل کیلئے کوالیفائی کرلیا

لندن (امت نیوز) ویمن ورلڈ ٹی ٹونٹی سیمی فائنل میں انگلینڈ نے بھارت کو شکست دے کر فائنل کیلئے کوالیفائی کرلیا۔نارتھ سائونڈ میں کھیلے گئے ویمن ورلڈ ٹی ٹونٹی سیمی فائنل میں بھارتی ٹیم نے پہلے کھیلتے ہوئے 112 رنز بنا کر آئوٹ ہوگئی، مندھانا 34 رنز بناکر نمایاں رہیں۔میچ میں انگلینڈ کی جانب سے ہیتھر نائٹ نے عمدہ بولنگ کا مظاہرہ کرتے ہوئے 3 کھلاڑیوں کو آئوٹ کیا۔انگلینڈ کی جانب سے جوز 53 اور شائیور 52 رنز بناکر ناٹ آئوٹ رہیں ۔ویمن ورلڈ ٹی ٹونٹی فائنل میں اب انگلینڈ کا مقابلہ آسٹریلیا سے ہوگا۔آسٹریلیا اور انگلینڈ کی ٹیموں کے درمیان آئی سی سی ویمنز ورلڈ ٹی ٹونٹی کرکٹ کپ ٹورنامنٹ کا فائنل میچ (آج) ہفتہ کو اینٹیگوا میں کھیلا جائیگا۔ تفصیلات کے مطابق آئی سی سی ویمنز ورلڈ ٹی ٹونٹی کپ کرکٹ ٹورنامنٹ ویسٹ انڈیز میں جاری رہا ٗایونٹ کے دور ان آسٹریلیا اور انگلینڈ کی ٹیمیں میگا ایونٹ کے فائنل کیلئے کوالیفائی کرلیا ۔یاد رہے کہ آسٹریلیا نے پہلے سیمی فائنل میچ میں میزبان ویسٹ انڈیز کو 71 رنز سے شکست دیکر میگا ایونٹ کا فائنل کھیلنے کا اعزاز حاصل کیا۔
٭٭٭٭٭