اسلام آباد یونائیٹڈ کے کپتان کا اعلان جلد کیا جائیگا

لاہور(امت نیوز) پی ایس ایل فرنچائز اسلام آباد یونائیٹڈ کے اونر علی نقوی کا کہنا ہے کہ کپتان کے تقرر میں جلد بازی کی ضرورت نہیں، ہم نے متوازن اسکواڈ منتخب کر لیا۔ علی نقوی نے کہاکہ پی ایس ایل کا معیار مسلسل بہتر ہو رہا ہے، اس بار ٹیموں نے پہلے سے زیادہ مضبوط اسکواڈزمنتخب کیے،ہمیں سہل پسندی کا شکار ہوئے بغیر ایک ایک میچ کو سنجیدگی سے لیتے ہوئے بھرپور حکمت عملی کے ساتھ میدان میں اترنا ہوگا۔انھوں نے کہا کہ ہمارا اچھا کمبی نیشن بن چکا ہے، اسلام آباد یونائیٹڈ کے 10 کھلاڑی تو پہلے ہی برقرار رکھے جا چکے تھے جو تھوڑی بہت کمی تھی وہ ڈرافٹ میں پوری کر لی، ہم نے بیٹنگ کو تقویت دینے کے ساتھ ریزرو وکٹ کیپر اور بہترین ایمرجنگ پلیئرز کا انتخاب کیا۔ایک سوال پر علی نقوی نے کہا کہ ہمیںکپتان کے فیصلے میں جلدبازی کی کوئی ضرورت نہیں، ایونٹ فروری میں ہوگا۔