7 افراد کا قاتل متحدہ لندن کا ٹارگٹ کلر گرفتار

کراچی(اسٹاف رپورٹر)بہادر آباد پولیس نے ڈی ایس پی اور انسپکٹر کو شہید کرنے سمیت 7 افراد کے قاتل متحدہ لندن کے خطرناک ٹارگٹ کلر کو مقابلے کے بعد گرفتار کرکے اسلحہ برآمد کرلیا۔بہادرآباد پولیس نے متحدہ قومی موومنٹ لندن کے خطرناک ٹارگٹ کلر عاشق الہی عرف دانش الہی کو مقابلے کے بعد گرفتار کرکے اسلحہ برآمد کرلیا۔گرفتار ٹارگٹ کلر نے ساتھیوں کے ساتھ مل کر کچھ سال قبل ڈی ایس پی نواز رانجھا اور انسپکٹر ناصر الحسن کو شہید کرنے کے علاوہ مختلف علاقوں میں 7افراد کو لندن کی قیادت کے حکم پر قتل کرنے کا اعتراف کیا ہے ۔ٹارگٹ کلر ڈی ایس پی نواز رانجھا اور انسپکٹر ناصر الحسن کی ایف آئی آر میں اشتہاری تھا۔ٹارگٹ کلر نے دوران تفتیش اپنے دیگر ساتھیوں کے نام بھی اگل دیئے۔ٹارگٹ کلر عاشق کراچی آپریشن شروع ہونے پر روپوش ہوگیا تھا۔ کچھ عرصے قبل ہی روپوشی ختم کرکے علاقے میں آیا تھا۔