برما میں بارشوں اورسیلاب سے 5ہلاک-50 ہزار بے گھر

ینگون( ایجنسیاں)برما میں طوفانی بارشوں اور سیلاب سے پانچ افراد ہلاک اور پچاس ہزار سے زائد بے گھر ہو گئے۔ مون سون بارشوں نے رخائن۔ شان اور کیان صوبے کو لپیٹ میں لے لیا ہے ۔ سیکڑوں گائوں پانی میں ڈوب گئے اور فصلیں تباہ ہو چکی ہیں جبکہ پل بہنے اور سڑکیں زیر آب آنے سے مواصلات کا نظام درہم برہم ہو گیا ہے۔دریائوں میں طغیانی کے باعث قریب بسنے والے مزید افراد کو گھر خالی کرنے کا کہہ دیا گیا ہے۔عالمی ریڈ کراس کے مطابق متاثرہ علاقوں میں امدادی کام جاری ہے۔ اقوام متحدہ نے صورتحال کو تشویشناک قرار دیا ہے۔