رینجرز نے متحدہ ٹارگٹ کلر ۔گینگ وار کارندہ پکڑلیا

کراچی(اسٹاف رپورٹر)رینجرز نے متحدہ ٹارگٹ کلر اورگینگ وار کارندہ پکڑلیا، جب کہ رینجرز اور پولیس کی دیگر کارروائیوں میں بھی 22 ملزمان کو گرفتار کرلیا گیا۔ملزمان سے اسلحہ ، منشیات ، گٹکا اور موٹر سائیکل برآمد کرلی۔تفصیلات کے مطابق رینجرز نے ناظم آباد کے علاقے سے متحدہ لندن کے ٹارگٹ کلر سید مسعود عرف کالا کو گرفتار کرلیا، جو قتل کی متعدد وارداتوں میں ملوث ہے۔ رینجرز نے نبی بخش کے علاقے سے گینگ وار کے کارندے داد محمد عرف ماما کو گرفتار کرلیا، جب کہ دیگر علاقوں سے بھی 4ملزمان جمال حسین ، عبدالعزیز، نثار اور فرحان علی کو گرفتار کرلیا۔زمان ٹاؤن پولیس نے گٹکا فروشوں باسط، مشرف ، بغدادی پولیس نے 2ملزمان شاہ زیب ،محمد حسین، جیکسن پولیس نے 2منشیات فروشوں عزیز، جمال ، نیپئر پولیس نے ملزم کلاش ، نیو کراچی پولیس نے 2ملزمان ابراہیم، یوسف، شرافی گوٹھ پولیس نے ملزم ہاشم، شارع نورجہاں پولیس نے 3 گٹکا فروشوں کلیم، سہیل احمد، زاہد، سمن آباد پولیس نے 2 ملزمان یونس، عبدالشکور، پیرآباد پولیس نے2 ملزمان عبدالحکیم اور عبدالرحیم کو گرفتار کرلیا۔