پاکستانی بلے باز محمد سعد کی انگلینڈ لائنز کیخلاف شاندار سنچری
دبئی(امت نیوز) پاکستان اے ٹیم کے بلے باز محمد سعد نے انگلینڈ لائنز کے خلاف دوسرے ایک روزہ میچ میں شاندار سنچری سکور کی، محمد رضوان نروس نائنٹیز کا شکار ہوئے۔ تفصیلات کے مطابق منگل کو انگلینڈ لائنز کے خلاف کھیلے گئے دوسرے ایک روزہ میچ میں پاکستان اے ٹیم کے بلے بازوں محمد سعد اور کپتان محمد رضوان نے انتہائی شاندار بلے بازی کا مظاہرہ کرتے ہوئے حریف باؤلرز کی خوب درگت بنائی، سعد سنچری بنانے میں کامیاب رہے اور 117 رنز بنا کر ٹاپ سکورر رہے۔
